Яширинган босқинчи

Жиззах вилоятининг Шароф Рашидов туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 31 январь куни соат 09:15ларда Ш.Рашидов туманида яшовчи, 4-синф ўқувчиси, А.Х.ни уйида ёлғизлигидан фойдаланиб, номаълум шахс “даданг ҳарбийда ишлайдими, уларни рўйхатини қилиб юрибман” деб, уни пичоқ билан қўрқитиб, уйига кириб хонадаги пулларини олиб воқеа жойидан яширинган.

Кўрилган чоралар натижасида ушбу жиноятни Жиззах шаҳар А.Навоий МФЙ Бешқувур кўчасида яшовчи, муқаддам судланган, 1992 йилда туғилган Ф.Р. содир этганлиги аниқланиб, ушлаш чоралари кўрилган.