2017-2018 yillarda favqulodda vaziyatlarni oldini olish va ularni bartaraf etish bo‘yicha tadbirlar rejasiga asosan (Minsk shahri - 19.07.2017) joriy yilning 5-7 fevral kunlari O‘zbekiston Respublikasi Favqulodda vaziyatlar vaziri R. Djurayev xizmat safari bilan Belarusga tashrif buyurdi. Bu haqda FVV axborot xizmati xabar qilmoqda.
Tashrifdan ko‘zlangan asosiy maqsad – favqulodda vaziyatlarni bartaraf etish va ularni oldini olish bo‘yicha o‘zbek-belarus mamlakatlari o‘rtasidagi hamkorlikni rivojlantirish, shuningdek, Belarus Respublikasi Favqulodda vaziyatlar vazirligi faoliyati bilan yaqindan tanishishdan iborat.
Shu bilan birga FVV vaziri Belarus Respublikasi Favqulodda vaziyatlar vaziri A. Vashenko bilan uchrashdi. Fuqaro muhofazasi universiteti, Kadrlarni qayta tayyorlash va malakasini oshirish instituti, Belarus Respublikasi Favqulodda vaziyatlar vazirligining Fuqaro muhofazasi universiteti qoshidagi litsey faoliyati bilan tanishishdi.
