Foto: CGTN
Hongkongda ikki qavatli avtobus ishtirokidagi yirik yo‘l-transport hodisasi oqibatida 13 kishi halok bo‘ldi. Avariya natijasida yana 40 inson turli darajada tan jarohati oldi, deb xabar bermoqda XXR Markaziy televideniyesi.
Xabar qilinishicha, avtohalokat shanba, 10 fevral kuni mahalliy vaqt bilan soat 18:00lar atrofida ro‘y bergan. Avtobus noma'lum sabablarga ko‘ra yo‘l chetiga chiqib ketib, qulagan. Hozirgi vaqtda undan taxminan 20 kishi tashqariga chiqa olmayotgani aytilmoqda.
Favqulodda holat joyida tezkor xizmatlar xodimlari ishlashmoqda. YTH tafsilotlari aniqlashtirilmoqda.
