Nyu-Yorkka chiptasiz uchib ketmoqchi bo‘lgan ikki shaxs halok bo‘ldi

Samolyot shassisi tirgagida chiptasiz parvoz qilmoqchi bo‘lgan Peruning ikki fuqarosi yerga qulash chog‘ida halok bo‘ldi. Bu haqda El Comercio xabar bermoqda.

Politsiya generali Marselo Tobar xabariga ko‘ra, jasadlar Ekvadorning Guayakil shahridagi aeroport uchish-qo‘nish yo‘lagida aniqlangan. Ular samolyotdan uncha uzoq bo‘lmagan yerda bo‘lgan.

Xabar berilishicha, layner Perudan Ekvadorga uchib borgan. So‘ng samolyot Nyu-Yorkka parvoz qildi, biroq Ekvador politsiyasi shassi tirgagida boshqa chiptasiz yo‘lovchilar borligiga shubha qilgani tufayli ortga qaytib kelishga majbur bo‘ldi.