Нью-Йоркка чиптасиз учиб кетмоқчи бўлган икки шахс ҳалок бўлди

Фото: EFE

Самолёт шассиси тиргагида чиптасиз парвоз қилмоқчи бўлган Перунинг икки фуқароси ерга қулаш чоғида ҳалок бўлди. Бу ҳақда El Comercio хабар бермоқда.

Полиция генерали Марсело Тобар хабарига кўра, жасадлар Эквадорнинг Гуаякиль шаҳридаги аэропорт учиш-қўниш йўлагида аниқланган. Улар самолётдан унча узоқ бўлмаган ерда бўлган.

Хабар берилишича, лайнер Перудан Эквадорга учиб борган. Сўнг самолёт Нью-Йоркка парвоз қилди, бироқ Эквадор полицияси шасси тиргагида бошқа чиптасиз йўловчилар борлигига шубҳа қилгани туфайли ортга қайтиб келишга мажбур бўлди.

Тайёрлаган: Отабек Матназаров

#Перу #Нью-Йорк #самолёт