Toshkent shahrining Sergeli tumanida jinoyat sodir bo‘ldi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
Qayd etilishicha, 5 mart kuni noma'lum shaxs Sputnik 3-daha 21-uy oldida qarovsiz qoldirilgan shu uyda yashovchi, S.R.ga tegishli “VAZ-2105” rusumli avtomashinasini haydab qochgan.
Olib borilgan qidiruv ishlari natijasida Toshkent viloyati Yangiyo‘l tumani Do‘stlik jamoa xo‘jaligi hududidan avtomashina to‘liq yongan holda topilgan. Ko‘rilgan choralar natijasida ushbu jinoyatni Sergeli tumani 7-daha 8-uyda yashovchi, 1997 yilda tug‘ilgan I.G. va 4-daha 14-uyda yashovchi, 1996 yilda tug‘ilgan T.G. sodir etganligi aniqlanib, qo‘lga olingan.
