Venesuelada inflyatsiya bir yil ichida 6 ming foizdan oshib ketdi

Venesuelada 2017 yil fevralidan 2018 yil fevraligacha inflyatsiya miqdori 6 ming foizdan oshib ketdi. Bu haqda mamlakat milliy assambleyasining moliya komissiyasi ma'lum qildi. 

Parlament komissiyasi chop etgan hisobotda joriy yilning fevralida inflyatsiya 80 foizga, 2017 yil dekabridan joriy fevralgacha esa 231 foizga yetgani ma'lum qilingan. “Bu maoshlar, to‘lovlar, pensiya va omonatlarning yakuni”, deb yozgan tvitterda deputat Xose Gerra.

Venesueladagi vaziyat mahsulotlar taqchilligi, juda yuqori inflyatsiya va neft narxi pasayib ketgani sababli davlat daromadlari kamayib ketgani sababli og‘ir ko‘rinish olgan.