AQSh va Janubiy Koreya qo‘shma harbiy mashqlarni davom ettirishga qaror qildi

Foto: Andre T. Richard/U.S. Navy/Reuters

AQSh va Janubiy Koreya Koreya yarim oroli uzra qo‘shma harbiy mashqlarni davom ettirishga qaror qildi. Bu haqda Reuters Pentagon bayonotiga tayangan holda xabar bermoqda.

Ta'kidlanishicha, shimoliy koreyalik qurolli kuchlar mashqlar o‘tkazilishi haqida xabardor etilgan.

Mashqlar 1 apreldan boshlanadi. Ularning o‘tkazilishi Janubiy Koreyaning Pyongchangidagi Olimpiya va Paralimpiya o‘yinlari tufayli vaqtinchalik to‘xtatilgan edi.

Eslatib o‘tamiz, avvalroq AQSh razvedka xizmatlari KXDR bilan maxfiy aloqa kanalini o‘rnatgani xabar berilgandi.