Moldova 3 nafar rossiyalik diplomatni non grata shaxslari deb e'lon qildi
Moldova hukumati Britaniyaning Solsberi shahrida britaniyalik josus Sergey Skripalning zaharlanishi ishi bo‘yicha 3 nafar rossiyalik diplomatni nomaqbul – non grata shaxslari deb e'lon qildi. Bu haqda Moldova tashqi ishlar vazirligi saytida ma'lum qilindi.
“Moldova hukumati qarori Buyuk Britaniya va Shimoliy Irlandiya Birlashgan Qirolligi qarori va Solsberidagi hujumni kollektiv xavfsizlik va xalqaro huquqqa tahdid deb ta'riflagan Yevropa Kengashi xulosalari bilan yakdil hisoblanadi”, deyilgan xabarda.
AQSh 26 martda o‘z hududidan Skripal ishi bo‘yicha 60 nafar rossiyalik diplomatni chiqarib yuborishini ma'lum qilgan. Fransiya, Germaniya va Yevropa Ittifoqining bir qator davlatlari ham AQSh kabi choralar ko‘rishlarini ma'lum qilishgan. Ularga Kanada va Avstraliya ham qo‘shilgan.
Mavzuga oid
12:58
Moldovada yettita kremlparast sayt bloklandi
21:30 / 19.09.2024
Moldova Bosh shtabining sobiq boshlig‘i davlatga xiyonatda ayblanmoqda
13:27 / 14.09.2024
Moldovada mansabdorlar rossiyaliklarga noqonuniy ravishda yashash uchun ruxsatnoma bergan
00:02 / 27.08.2024