JCh-2018 parvozlarining marshrut yo‘nalishi shakllantirildi

Jahon chempionati o‘yinlarini qabul qiladigan shaharlarni 55ta yo‘nalish bo‘yicha aviareyslar bog‘laydi, deb xabar beradi Rosaviatsiya.

Yo‘lovchi tashish dasturida 17ta aviakompaniya ishtirok etishini tasdiqlagan. Ular: «Azimut», «Alrosa», «Aeroflot», «Nordavia», «Nordstar», «Pobeda», «Red Vings», «Rossiya», «Ruslayn», «Saratovskiye avialinii», «Severniy veter», «Sibir», «Uralskiye avialinii», «YuVT Aero», «YuTeyr», «Yakutiya» va «Yamal».

55ta yo‘nalish jahon chempionati o‘yinlarini qabul qiluvchi barcha shaharlarni bir-biriga bog‘lash imkoniyatini beradi.

Rossiya aviakompaniyalari reyslarining yagona grafigi 2018 yil yozi uchun mo‘ljallangan parvozlar jadvaliga asosan tuziladi. Agar zarurat tug‘ilsa, aviakompaniyalar yo‘lovchi oqimi yuqori bo‘lgan yo‘nalishlarda reyslar sonini ko‘paytirishadi.