Eron va Isroil havo hududlari, dastlabki ma’lumotlarga ko‘ra, Toshkent vaqti bilan soat 11:30 dan 17:00 gacha yopildi. Bu haqda ma’lum qilgan Uzbekistan Airports'ga ko‘ra, shu munosabat bilan bir nechta aviareyslar ortga qaytishga majbur bo‘lgan.
O‘zbekistondan reyslar:
- 7Q4461 (Fly One Asia): Andijon – Madina yo‘nalishida uchgan reys Andijon aeroportiga qaytdi.
- HH901 (Qanot Sharq): Toshkent – Dubay yo‘nalishidagi reys Toshkent aeroportiga qaytdi.
O‘zbekistonga reyslar:
- 7Q342 (Fly One Asia): Madina – Toshkent yo‘nalishida uchgan reys Madina aeroportiga qaytdi.
- 2U7706 (Fly Khiva): Madina – Andijon yo‘nalishida uchgan samolyot Madina aeroportiga qaytdi.
- 9S3302 (Air Samarkand): Jidda – Toshkent yo‘nalishida uchgan samolyot Jidda aeroportiga qaytdi.
