Bir kishini urib, tan jarohati yetkazgan ikki shaxs qo‘lga olindi

Toshkent viloyatining Bekobod tumanida jinoyat sodir bo‘ldi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2 aprel kuni Bekobod markaziy kasalxonasidan tushgan xabarga ko‘ra, 2018 yil 21 mart soat 22.00larda, “Taqachi” MFY Do‘stlik ko‘chasida yashovchi, 1995 yilda tug‘ilgan A.N. va shu ko‘chada yashovchi, 1991 yilda tug‘ilgan B.B. “Abbos Jasmin” kafesi oldida o‘zaro janjal oqibatida 1984 yilda tug‘ilgan U.A. tanasining turli joylariga urib-tepib, jarohat yetkazganligi ma'lum bo‘lgan. 

Natijada U.A. kasalxonaga yotqizilgan. A.N. va B.B. qo‘lga olingan.