Бир кишини уриб, тан жароҳати етказган икки шахс қўлга олинди

Иллюстратив фото/Report.az

Тошкент вилоятининг Бекобод туманида жиноят содир бўлди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Қайд этилишича, 2 апрель куни Бекобод марказий касалхонасидан тушган хабарга кўра, 2018 йил 21 март соат 22.00ларда, “Тақачи” МФЙ Дўстлик кўчасида яшовчи, 1995 йилда туғилган А.Н. ва шу кўчада яшовчи, 1991 йилда туғилган Б.Б. “Аббос Жасмин” кафеси олдида ўзаро жанжал оқибатида 1984 йилда туғилган У.А. танасининг турли жойларига уриб-тепиб, жароҳат етказганлиги маълум бўлган.

Натижада У.А. касалхонага ётқизилган. А.Н. ва Б.Б. қўлга олинган.