Qirg‘iziston Milliy xavfsizlik qo‘mitasi raisi va uning o‘rinbosari ishdan olindi

Qirg‘iziston prezidenti Sooronbay Jeenbekov Abdil Segizbayevni Qirg‘iziston Milliy xavfsizlik qo‘mitasi (GKNB) raisi lavozimidan ozod etish to‘g‘risidagi farmonini imzoladi.

24.kg xabarida qayd etilishicha, Segizbayev maxsus xizmat rahbarligidan iste'foga chiqish bo‘yicha ariza bergan va uning iste'fosi qabul qilingan.

Shuningdek, Qirg‘iziston prezidenti Segizbayevning o‘rinbosarlaridan biri, Qirg‘iziston Milliy xavfsizlik qo‘mitasining Tahlil va prognozlar xizmatlari direktori Bolot Turarovich Suyumbayevni o‘z arizasiga ko‘ra ishdan bo‘shatgan.