Nigeriyadagi portlashlarda 20 ga yaqin odam halok bo‘ldi 

Nigeriyaning Mubi shahrida masjid ichida va uning tashqarisida sodir etilgan ikkita portlash oqibatida 20 ga yaqin odam halok bo‘ldi. Bu haqda Reuters axborot agentligi xabar berdi. 

Shtat politsiyasi komissarining ma'lum qilishicha, voqea 1 may kuni soat 13.00da yuz bergan. Terrorchi-xudkushlardan biri masjid ichida portlovchi qurilmani harakatga keltirgan. So‘ngra masjiddan 200 metr nariroqda yana bir terrorchi o‘zini portlatgan.

Ma'lum qilinishicha, yana 10 dan ko‘proq odam yaralangan.