Rossiya qiruvchisi AQSh samolyoti bilan «noprofessional tarzda» yaqinlashdi – CNN

Rossiyaning Su-27 qiruvchisi Boltiq dengizi uzra havo hududida AQSh harbiy-dengiz kuchlarining Boeing P-8 Poseidon qayiqlarga qarshi samolyoti bilan yaqinlashdi. Bu haqda CNN telekanali ikki nafar manbaga asosan xabar bermoqda.

Telekanal ma'lumotlariga ko‘ra, yaqinlashish vaqtida samolyotlar o‘rtasidagi masofa 20 fut (taxminan olti metr)ni tashkil etgan. Havo kemalari o‘zaro yaqin masofada qariyb to‘qqiz daqiqa bo‘lgani aytilyapti.

Manba bunday yaqinlashishni «noprofessional» deb baholadi, biroq uning ta'kidlashicha, u xavfsiz bo‘lgan. Shuningdek, uning qayd etishicha, neytral hududlarda turli davlatlar harbiy texnikasi yo‘nalishining kesishishi oddiy holat sanaladi.