Toshkent viloyatida «Neksiya» haydovchisi ikki piyodaning umriga zomin bo‘ldi

Toshkent viloyatida insonlar o‘limi bilan tugagan navbatdagi mudhish yo‘l-transport hodisasi ro‘y berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 10 may soat 02.50larda Toshkent viloyatining O‘rta Chirchiq tumanida yashovchi B.A. o‘z boshqaruvidagi “Neksiya” rusumli avtomashinasini tuman hududidan o‘tuvchi “Toshkent-Nurafshon” avtomobil yo‘lining 22-km.da haydab ketayotib piyodalar D.M. va Sh.A.ni urib yuborgan. 

Natijada piyodalar olgan jarohatlaridan voqea joyida vafot etganlar.