Тошкент вилоятида «Нексия» ҳайдовчиси икки пиёданинг умрига зомин бўлди

Тошкент вилоятида инсонлар ўлими билан тугаган навбатдаги мудҳиш йўл-транспорт ҳодисаси рўй берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 10 май соат 02.50ларда Тошкент вилоятининг Ўрта Чирчиқ туманида яшовчи Б.А. ўз бошқарувидаги “Нексия” русумли автомашинасини туман ҳудудидан ўтувчи “Тошкент-Нурафшон” автомобиль йўлининг 22-км.да ҳайдаб кетаётиб пиёдалар Д.М. ва Ш.А.ни уриб юборган. 

Натижада пиёдалар олган жароҳатларидан воқеа жойида вафот этганлар.