Inson kabi: Boston Dynamics robotga yugurish va sakrashni “o‘rgatdi”

AQShning Boston Dynamics kompaniyasi Atlas nomli robotni yugurish va sakrashga “o‘rgatdi”. Ushbu jarayon aks etgan video kompaniyaning YouTube-kanalida joylashtirilgan.  

33 soniyalik rolikda robot o‘tloq bo‘ylab odam kabi chopayotgani, so‘ngra yerda yotgan daraxt tanasi ustidan sakrab o‘tgani ko‘rsatilgan. 

Avvalroq Atlas roboti kichik balandliklarga chiqib, u yerdan salto usulida sakrashi namoyish qilingan. Robotni yaratish bo‘yicha ishlar 2013 yildan beri olib borilmoqda.