Janubiy Koreya JSTga AQSh bo‘yicha murojaat bilan chiqdi

Janubiy Koreya Jahon savdo tashkilotiga (JST) yanvar oyida Vashington tomonidan kir yuvish mashinalari va quyosh batareyalari elementlari uchun joriy etilgan bojlar masalasi bo‘yicha AQSh bilan ikki tomonlama maslahatlashuvlar o‘tkazish to‘g‘risida ariza berdi. Bu haqda Reuters axborot agentligi Koreya Respublikasi Savdo, sanoat va energetika vazirligining bayonotiga tayangan holda xabar qildi.

Amerika Qo‘shma Shtatlari prezidenti Donald Tramp yanvar oxirida asosan Osiyodan olib kiriluvchi quyosh panellari va kir yuvish mashinalariga to‘rt yil muddatga bojxona bojlarini joriy qildi. Janubiy Koreya tomonining fikriga ko‘ra, bu qadam JST normalariga zid keladi. Aprel oyida Janubiy Koreya hukumati AQShga tovarlar turkumini import qilish uchun 480 million dollarlik imtiyozli tariflarni to‘xtatish rejalari haqida ma'lum qildi, bu Qo‘shma Shtatlar tomonidan kir yuvish mashinalari va quyosh panellariga bojlar uchun javob tariqasida amalga oshiriladi.

AQShning yangi bojlari Janubiy Koreyaning asosan LG Electronics va Samsung Electronics konsernlariga tegishlidir.