Isroil aviatsiyasi falastinliklar yong‘in uyushtirish maqsadida Isroil tomon uchirayotgan yonuvchi sharlarga javoban XAMAS harakatining G‘azo sektoridagi infratuzilmasiga aviazarba berdi.
Zarba oqibatida jabrlanganlar borligi haqida ma'lumot berilmagan.
Yoqilg‘i yoki portlovchi moddalar biriktirilgan sharlar va varraklar ko‘rinishidagi yangi hujum usuli falastinliklarning namoyishlari boshlangandan keyin paydo bo‘ldi. Bu sharlar va varraklar oddiyligiga qaramasdan, katta hajmdagi qishloq xo‘jaligi va o‘rmon maydonlarida yong‘in chiqarib, millionlab dollar zarar keltirgan.
Isroilliklar o‘z dronlarini bu sharlar va varraklarni urib tushirishga mo‘ljallab moslashtirishgan, ular uchiriladigan hududlarga ogohlantiruvchi o‘q uzishmoqda va XAMASning harbiylashgan qanotiga tegishli turli obektlarni bombardimon qilishmoqda.