Исроил авиацияси фаластинликлар ёнғин уюштириш мақсадида Исроил томон учираётган ёнувчи шарларга жавобан ХАМАС ҳаракатининг Ғазо секторидаги инфратузилмасига авиазарба берди.
Зарба оқибатида жабрланганлар борлиги ҳақида маълумот берилмаган.
Ёқилғи ёки портловчи моддалар бириктирилган шарлар ва варраклар кўринишидаги янги ҳужум усули фаластинликларнинг намойишлари бошлангандан кейин пайдо бўлди. Бу шарлар ва варраклар оддийлигига қарамасдан, катта ҳажмдаги қишлоқ хўжалиги ва ўрмон майдонларида ёнғин чиқариб, миллионлаб доллар зарар келтирган.
Исроилликлар ўз дронларини бу шарлар ва варракларни уриб туширишга мўлжаллаб мослаштиришган, улар учириладиган ҳудудларга огоҳлантирувчи ўқ узишмоқда ва ХАМАСнинг ҳарбийлашган қанотига тегишли турли объектларни бомбардимон қилишмоқда.
