Foto: REUTERS
AQSh boshchiligidagi koalitsiya samolyoti Suriya armiyasining mamlakat sharqidagi pozitsiyalariga zarba berdi. Bu haqda Reuters Suriya OAVga asosan xabar qilmoqda.
Ta'kidlanishicha, aviazarba oqibatida halok bo‘lganlar va jarohat olganlar bor, biroq bu boradagi batafsil ma'lumot keltirilmagan.
Suriya prezidenti Bashar Asadni qo‘llab-quvvatlovchi harbiy guruhlardan birining qo‘mondoni agentlikka xabar berishicha, uchuvchisiz uchar qurilmalar Suriyaning Al-Bukemal shahri yaqinidagi pozitsiyalarga zarba bergan.
Pentagon bu boradagi xabarlarni rad etib chiqdi.
«Bu AQSh yoki koalitsiya zarbasi emas», - deya ma'lum qildi Pentagon vakili Edrian Rankayn-Gallouey.
Eslatib o‘tamiz, avvalroq AQSh Suriya hukumatini ogohlantirgandi.
