Toshkent shahri hokimiyati «Chorsu»ning tashqi ko‘rinishi yangilanishi bo‘yicha loyihalarni namoyish etdi.
Ushbu loyihalar shaharning qiyofasini zamonaviylashtirishga qaratilgan. Poytaxt shahar hokimiyati bu loyihalar bo‘yicha fikrlar bildirilishini so‘ragan.
«Go‘zal Toshkentning Chorsu bozor kompleksi butunlay yangi qiyofa kasb etishi ko‘rinishida Toshkent shahri hokimiyati maxsus fotoloyiha tayyorladi. Hamshaharlarimiz ushbu loyihaga qanday munosabatda bo‘lishlari, qiziqishlari, turli fikrlar bildirishlari, qanday xulosa qilishlari biz uchun muhim», deyilgan shahar hokimiyati matbuot xizmati xabarida.