Armanistonning sobiq prezidentining ukasi qidiruvga berildi 

Armanistonning sobiq prezidenti Serj Sargsyanning ukasi Levon Sargsyan qidiruvga berildi. Bu haqda Armanistonning maxsus tergov xizmati ma'lum qildi. 

Shuningdek, Levon Sargsyanning qizi Anya Sargsyan ham qidiruvga berilgan. Ular noqonuniy boyish va deklaratsiya qilinishi kerak bo‘lgan mulkni yashirishda ayblanmoqdalar.

Sud ehtiyot chorasi sifatida Levon Sargsyanni hibsga olish, Anyaga esa mamlakatni tark etmaslik choralari belgilagan.

Gap Levon Sargsyan, uning o‘g‘li Narek va qizi Anya Sargsyanning noto‘g‘ri deklaratsiya qilingan daromadlari haqida ketmoqda.