Ilon Mask tailandlik bolalarni qutqarish uchun moslamani sinovdan o‘tkazmoqda

Foto: Videodan kadr

SpaceX va Tesla kompaniyalari rahbari Ilon Mask Tailandda g‘orda qolayotgan bolalarni qutqarish uchun taklif qilgan suv osti moslamasi – mini-submarinalarni sinovdan o‘tkaza boshladi.

Avvalroq Mask g‘orshunoslar bilan doimiy aloqada bo‘layotganini va bolalarni qutqarish uchun turli mexanizmlarni ishlab chiqayotganini ma'lum qilgandi.

Jumladan, Mask ular bilan qutqaruv kapsulasi mexanizmini muhokama qilmoqda. Bu qurilma evakuatsiya o‘tkazish uchun yetarlicha xavfsiz bo‘lishi lozim. 

O‘smirlar futbol jamoasining 12 a'zosi va ularning murabbiyi iyun oxiridan beri Tailand shimolidagi Kxao Luang g‘orida qolmoqdalar. G‘orga aylangani kirgan bolalar u yerga kirish joyi yomg‘irlar sababli suv ostida qolgani uchun undan chiqib keta olishmayapti.