F-15X qiruvchisi rekord miqdordagi raketalar bilan jihozlanadi

Amerikaning Boeing F-15X qiruvchi samolyoti «havo-havo» sinfidagi rekord miqdordagi raketalarga (22ta) ega bo‘ladi, deb xabar berdi The Drive.

«Havo-havo» sinfidagi 22ta raketa o‘rniga F-15X 8ta shunday raketa va 28ta GBU-39 boshqariluvchi aviabombasini tashishi mumkin. Taqqoslash uchun, Saudiya Arabistonining F-15SA qiruvchisi «havo-havo» sinfidagi 10ta raketani tashishga mo‘ljallangan.

Yangi samolyot F-15'dan ichki qanotlari tuzilishi, boshqaruv unsurlari, APG-82 radari, elektron videokuzatuv tizimi va infraqizil qidiruv va kuzatuv tizimi bilan farq qiladi.  

F-15X'ning rejalashtirilgan parvoz vaqti 20 ming soat deb baholanmoqda. Qiruvchi samolyotning bir soat parvozi 27 ming dollarga tushadi (15C va F-15Dda 42 ming dollar). F-15X narxi 65 million dollarga yaqin bo‘ladi.  

The Drive AQSh HHK 1970-yillarda paydo bo‘lgan F-15C va F-15D qiruvchi samolyotlarining to‘rtinchi avlodini F-15X samolyotlari bilan almashtirishga «jiddiy yondashayotganini» qayd etmoqda.