Argentinada soatiga 170 kilometr tezlikda ketayotgan mashinada YTHga uchragan yigit tirik qoldi

Argentinada soatiga 170 kilometr tezlikda ketayotgan avtomobil estakada to‘sig‘ini buzib pastga quladi. Kuzatuv kamerasi orqali tasvirga olingan hodisa videosi Youtube’da e'lon qilindi.

Todo Noticias nashrining yozishicha, avtomobilni 19 yoshli o‘smir boshqarayotgan bo‘lgan. U boshqaruvni yo‘qotgani taxmin qilinmoqda.

Shuningdek, bu mashina tezlikni oshirgani uchun olti marta jarima yozilgani, avtomobil o‘smirning o‘gay otasiga tegishli ekani aniqlangan.

O‘smir og‘ir jarohatlangan, lekin tirik qolgan. U kasalxonaga yotqizilgan.