Ukraina prezidenti Pyotr Poroshenkoning ma'lum qilishicha, mamlakat armiyasi Yevropadagi eng kuchlilardan biriga aylanadi. Bu haqda «Izvestiya» prezidentning NewsOne telekanali efiridagi so‘zlariga asosan xabar bermoqda.
Poroshenkoning so‘zlariga ko‘ra, hozirgi paytda Ukraina hukumati NATOning barcha talablariga javob berish uchun qurolli kuchlar tizimini butunlay qayta qurmoqda. Shuningdek, u Rossiya hukumati vakillariga murojaat qilib, ular «bizning davlatimizning yevroatlantik integratsiyasi»ni to‘xtata olmasligi haqida aytgan.
«Bizning armiya Yevropadagi eng kuchlilardan biri bo‘ladi, chunki ukrainlar bugungi kunda nima uchun kurashayotganlarini aniq bilishadi», - dedi Poroshenko.
Shu bilan birga, u bu maqsadga erishish uchun «juda ko‘p ish» qilish kerakligini ta'kidladi.
Eslatib o‘tamiz, avvalroq Ukraina bosh prokurori Poroshenkoning asosiy kamchiligini ma'lum qilgandi.
