O‘zbekiston-Tojikiston chegarasida 15tagacha yangi nazorat-o‘tkazish punktlari ochilishi mumkin

Tojikiston va O‘zbekiston chegara idoralari ikki davlat chegarasida yangi nazorat-o‘tkazish punktlarini ochish masalasini o‘rganishga kirishdi, deb xabar berdi Asia plus.

Manbaning bildirishicha, ikki davlat chegarasida yaqin vaqt ichida 3tadan 15tagacha yangi nazorat-o‘tkazish punktlari ochiladi. Ular xalqaro maqomga ega bo‘lmaydi va qayerda joylashishi hozircha ma'lum qilinmayapti.

O‘zbek-tojik chegarasida yangi nazorat-o‘tkazish punktlari ochish tashabbusi Tojikiston prezidenti Emomali Rahmonning 17-18 avgust kunlari O‘zbekistonga amalga oshirgan davlat tashrifi va O‘zbekiston prezidenti Shavkat Mirziyov bilan uchrashuvi davomida ilgari surildi.

2002 yildagi hukumatlararo kelishuvga ko‘ra, Tojikiston va O‘zbekiston chegarasida 16ta nazorat-o‘tkazish punkti o‘rnatilgan bo‘lib, ularning to‘qqiztasi xalqaro maqomga ega.