«Milliy» stadionda IIV bayramoldi saf ko‘rigi bo‘lib o‘tdi

O‘zbekiston prezidentining “O‘zbekiston Respublikasi davlat mustaqilligining 27 yillik bayramiga tayyorgarlik ko‘rish va uni o‘tkazish to‘g‘risida”gi qarori qabul qilingan. 

Shu munosabat bilan joriy yilning 25 avgust kuni Toshkentdagi “Milliy” stadionida Ichki ishlar vazirligi tomonidan tizimning turli sohaviy bo‘limlarida xizmat qilayotgan xodimlar ishtirokida saf ko‘rigi o‘tkazildi.

Ushbu tadbirda vazirlik orkestri ijrosida harbiy-vatanparvarlik musiqalari yangradi. Ichki ishlar xodimlarining safda yurishi, tashqi ko‘rinishi, xizmatga shayligi tekshiruvdan o‘tkazildi.

Vazirlik mutasaddilarining so‘zlariga ko‘ra, bu turdagi tadbirlar muntazam ravishda o‘tkazib boriladi.