Ўзбекистон | 12:30 / 26.08.2018
13417
1 дақиқада ўқилади

«Миллий» стадионда ИИВ байрамолди саф кўриги бўлиб ўтди

Ўзбекистон президентининг “Ўзбекистон Республикаси давлат мустақиллигининг 27 йиллик байрамига тайёргарлик кўриш ва уни ўтказиш тўғрисида”ги қарори қабул қилинган. 

Шу муносабат билан жорий йилнинг 25 август куни Тошкентдаги “Миллий” стадионида Ички ишлар вазирлиги томонидан тизимнинг турли соҳавий бўлимларида хизмат қилаётган ходимлар иштирокида саф кўриги ўтказилди.

Ушбу тадбирда вазирлик оркестри ижросида ҳарбий-ватанпарварлик мусиқалари янгради. Ички ишлар ходимларининг сафда юриши, ташқи кўриниши, хизматга шайлиги текширувдан ўтказилди.

Вазирлик мутасаддиларининг сўзларига кўра, бу турдаги тадбирлар мунтазам равишда ўтказиб борилади.

Kun.uz янгиликларини Google News'да кузатинг
+ Обуна бўлиш

Мавзуга оид