Andijonda tramvay liniyasini qurish taklif etildi

“Mening fikrim” jamoaviy murojaatlar portalida Andijon shahrida tramvay liniyasini qurish haqida petitsiya paydo bo‘ldi.

Qayd etilishicha, Andijon viloyatining o‘zida ko‘p minglik yengil avtotransport vositalari yo‘lovchilarga xizmat qilmoqda. O‘z o‘zidan, yengil avtotransport vositalarining to‘qnashuvlari ko‘p kuzatilmoqda. Natijada, bir yilda yuzlab insonlar tan jarohati olmoqda yoki halok bo‘ladi. Buning oldini olish maqsadida Andijon shahrida tramvay qatnovi yo‘lga qo‘yilsa, talabalar, ishchi xodimlarning uzog‘i yanada yaqin bo‘lgan, ularning o‘z manzillariga xavfsiz yetib olishlari uchun imkoniyat yaratilgan bo‘ladi.

“Tramvay xavfsiz va ekologik foydali transportdir. Shu boisdan, Andijon shahrida tramvay qatnovini yo‘lga qo‘yishni taklif etamiz”, - deb yozadi murojaat muallifi.