AQSh falastinlik qochqinlarga 300 mln dollar miqdoridagi yordamni bekor qildi

Amerika Qo‘shma Shtatlari Birlashgan Millatlar Tashkilotining falastinlik qochqinlariga yordam beruvchi agentligiga yordamni to‘xtatdi, deya xabar beradi Associated Press.

Aniqlik kiritilishicha, gap 300 million dollar miqdoridagi yordam haqida ketmoqda.

Davlat departamenti xabarida aytilishicha, Qo‘shma Shtatlar «endi bunday noto‘g‘ri, xato operatsiyani moliyalashtirmaydi».

Agentlikning ta'kidlashicha, AQSh mablag‘lari Iordan G‘arbiy sohilida, G‘azo sektorida, shuningdek, Suriya va Livanda qochqinlarga yordam beruvchi BMT agentligi byudjyetining qariyb 30%ini tashkil qilgan.

Eslatib o‘tamiz, avvalroq Rossiya elchisi AQShni Suriya bo‘yicha ogohlantirgandi.