Navalniyning roliklari reklamasi tufayli Google saylovlarga aralashmaslik haqida ogohlantirildi
Roskomnadzor va Rossiya bosh prokuraturasi Google (YouTube egasi) ijrochi direktori Larri Peyjga Rossiyadagi saylovlarga «aralashishga yo‘l qo‘ymaslik» haqida ogohlantirish maktubi jo‘natdi. E'tiroz Aleksey Navalniyning 9 sentabr – yagona ovoz berish kuni pensiya yoshini oshirishga qarshi aksiya o‘tkazish haqidagi roliklari reklamasi tufayli paydo bo‘ldi.
Avvaliga amaldorlar qonunbuzarlikka chaqiruvchi «ommaviy aksiyalar olib borilayotgan» YouTube-kanallarni aniqlashgani xabar qilingandi. Roskomnadzor va bosh prokuratura gap aynan kim haqida borayotganiga aniqlik kiritmagan.
Bosh prokuratura vakili Aleksey Jafyarovning aytishicha, mazkur ogohlantirishda Google tomonidan biror chora ko‘rish talabi qo‘yilmagan.
3 sentabr kuni Korrupsiyaga qarshi kurashish fondi «Navalnyy Live» kanalini qayta ishga tushirgandi. Fond 9 sentabr kuni Moskva, Peterburg va Rossiyaning boshqa o‘nlab shaharlarda pensiya islohotiga qarshi aksiyalar o‘tkazishni rejalashtirgan.
Mavzuga oid
22:21 / 18.09.2024
Yevropa Ittifoqi sudi Google’ga belgilangan 1,5 mlrd yevrolik jarimani bekor qildi
21:33 / 10.09.2024
Google va Apple milliardlab dollar jarima to‘lash bo‘yicha Yevropa sudida yutqazdi
14:39 / 10.09.2024
Google Rossiya raqamlaridan yangi akkaunt ochishga ruxsat bermayapti
20:47 / 09.09.2024