Bolasini tizzasiga o‘tqazib mashina boshqargan ayol bu holatni qanday izohladi?

Avvalroq, Toshkent shahar IIBBning Facebook’da tarqalgan yosh bolasini tizzasiga o‘tqazib, mashina haydab ketayotgan ayolga nisbatan choralar ko‘rilishi haqidagi xabar berilgandi.

"Sevimli" telekanalining "Zamon" informatsion dasturi ijodkorlari ushbu ayol bilan bog‘lanib, ushbu holatga oydinlik kiritishdi, deb yozmoqda Uz24.uz.

— Shaxsiy avtomobilimda 8 yildan buyon harakatlanaman, — deydi haydovchi Munojot Sadriddinova. — Shu paytgacha yo‘l harakati qoidalarini buzmagan edim. Shunday vaziyat bo‘ldiki, 2 yosh-u 3 oylik farzandim yig‘lab qoldi. Qo‘yliqdan Ibn-Sinogacha masofa uzoq bo‘lgani sabab ona sifatida tizzamga o‘tqazib mashina boshqarishga majbur bo‘ldim. Bunday qoidabuzarlikka yo‘l qo‘yganimdan pushaymonman, boshqa safar bunday yo‘l tutmayman.