08:00 / 09.09.2018
5721

Meksikaning yangi prezidenti neft sohasiga deyarli 4 mlrd dollar kiritmoqchi 

Foto: AP

Meksikaning saylangan prezidenti Manuel Lopes Obrador mamlakatining neft qazib olish sohasiga 75 mlrd peso (3,8 mlrd dollar) investitsiya kiritmoqchiligini e'lon qildi. U bu haqda Tabasko shtatidagi nutqida aytib o‘tgan.

Uning aytishicha, bu soha inqirozni yengib, tiklana boshlashi mumkin. Lopes Obrador 2004 yilda Meksikada kuniga 3,4 mln barrel neft olingani, 2018 yilga kelib bu ko‘rsatkich 1,8 mln barrelga tushib ketganini aytib o‘tgan.

Avvalroq siyosatchi neft qazib olish hajmini kuniga 2,5 mln barrelga yetkazishga va'da bergan. Bu maqsadda u konlarni o‘zlashtirish va 2019 yilda neftni qayta ishlovchi yangi zavod qurishga bir necha milliard dollar ajratmoqchi.

Lopes Obradorning inauguratsiyasi 1 dekabrda bo‘lib o‘tadi va u mamlakatni 2024 yilgacha boshqaradi.

Top