Xorazm shakar zavodining yangi egasi aksiyadorlik jamiyati nomini o‘zgartirmoqchi

Xorazm shakar zavodi nomi o‘zgartiriladi, bundan kompaniya veb-saytida e'lon qilingan ma'lumot dalolat bermoqda.

18 sentabr kuni «Xorazm Shakar» AJ QK aksiyadorlari yig‘ilishi bo‘lib o‘tishi rejalashtirilgan. Kun tartibidagi masalalardan biri - nom o‘zgarishi.

Muhokama etilishi rejalashtirilgan boshqa masalalar ichida jamiyat nizomini yangi tahrirda tasdiqlash, yangi ijro etuvchi tuzilma, yangi ichki qoidalar, kuzatuv kengashining yangi tarkibi va yangi taftish komissiyasini tasdiqlash kabilar bor.

Eslatib o‘tamiz, avvalroq Toshkentda yashovchi fuqaro Xorazm shakar zavodining 99,4 foiz aksiyalari egasiga aylangani xabar berilgandi.

Respublika fond birjasi ma'lumotlariga ko‘ra, Toshkent shahrida yashovchi A.R.Toshev Xorazm shakar zavodining 99,4 foiz aksiyalari egasiga aylangan.