Yunusobod tumani Ahmad Donish  ko‘chasida transport harakati vaqtinchalik cheklanadi

Toshkent shahrining Yunusobod tumani Ahmad Donish  ko‘chasida transport harakati vaqtincha cheklanadi. Bu haqda shahar hokimligi axborot xizmati xabar qildi.

“Yunusobod” metro yo‘nalishida qurilish ishlari olib borilishi munosabati bilan 21 sentabr kunidan boshlab Ahmad Donish  ko‘chasining markaziy yo‘nalishi vaqtinchalik yopilishi ma'lum qilinadi”, - deyiladi xabarda.

Xabarga ko‘ra, transport harakati Ahmad Donish  ko‘chasi yonida tashkil etilgan aylanma yo‘l orqali amalga oshiriladi.

Poytaxt ma'muriyati vaqtinchalik noqulayliklar uchun uzr so‘rashini bildirgan.