Tramp Eronga qarshi qat'iy sanksiyalar kiritishga va'da berdi

Foto: REUTERS / Carlos Barria

AQSh Eronning "yovuz niyatli" faoliyatiga qarshi qat'iy sanksiyalar kiritishda davom etadi. Mamlakat prezidenti Donald Tramp BMT Xavfsizlik kengashi (XK) yig‘ilishida shunday bayonot bilan chiqdi.

"Amerikaning Eron yadroviy dasturi bilan bog‘liq barcha sanksiyalari noyabr oyi boshida to‘liq kuchga kiradi. Shundan so‘ng AQSh Eronning yovuz niyatli faoliyatiga qarshilik qilish maqsadida qo‘shimcha, avvalgidan-da qat'iy sanksiyalar kiritishda davom etadi", - dedi Tramp.

"Bu sanksiyalarni bajarmaydiganlar jiddiy muammolar bilan to‘qnashadi", - deya ishontirdi Amerika yetakchisi. U BMT XK a'zolariga Eronga nisbatan birgalikda chora ko‘rishni so‘rab murojaat qildi.