“Soyuz” kemasi 3 fazogir bilan Yerga qaytdi

4 oktyabrda kunduzi “Soyuz MS-08” kosmik kemasi kapsulasi rossiyalik kosmonavt Oleg Artemev va NASA’ning 2 astronavti – Endryu Foystel va Richard Arnold bilan Xalqaro koinot stansiyasidan Yerga qaytdi. Fazogirlar 56-ekspeditsiyaning ishtirokchilari bo‘ldilar.

Kapsula Qozog‘istonning Jyezqazg‘an shahridan janub tomonda qo‘ngan. 

Ushbu ekspeditsiya Boyqo‘ng‘ir kosmodromining 1-maydonchasidan 21 martda fazoga uchirilgan. Shu tariqa fazogirlar orbitada 197 kun qolishgan. 

XKSga keyingi ekspeditsiya ishtirokchilari kelguncha Sergey Prokopev (Roskosmos), Serina Aunyon-Chensellor (NASA) va Aleksandr Gerst (ESA) orbitada ishlashda davom etadi.