OAV: Rossiya Liviyani «yangi Suriyaga» aylantirmoqchi

Rossiya Yevropa ittifoqiga eng katta noqonuniy muhojirlik yo‘nalishini «nazorat ostiga olish» uchun Liviyaga qo‘shin jo‘natmoqchi. Bu haqda The Sun manbalarga asoslanib xabar bermoqda.

Nashr ma'lumotlariga ko‘ra, Britaniya razvedkasi Buyuk Britaniya bosh vaziri Tereza Meyni Rossiyaning bunday «rejalari» haqida ogohlantirgan.

Qayd etilishicha, Rossiya tomoni Liviyadan «yangi Suriya» qilishni rejalashtirmoqda.

Shu bilan birga, nashrning bildirishicha, Rossiya «G‘arbni nazorat qilish uchun» Liviyaga harbiylar jo‘natish istagida.

Eslatib o‘tamiz, avvalroq UXX Rossiyaning «Vagner» XHK yollanma jangchisi bo‘lgan O‘zbekiston fuqarosi ismini oshkor qilgandi.