Namangan - Sankt-Peterburg parvozlari tiklanmoqda

Foto: KUN.UZ

«O‘zbekiston havo yo‘llari» milliy aviakompaniyasi 2018 yil 2 noyabrdan boshlab Namangan-Sankt-Peterburg-Namangan yo‘nalishi bo‘yicha muntazam yo‘lovchi qatnovlarini qayta tiklamoqda.

MAK matbuot xizmati xabariga ko‘ra, parvoz haftasiga bir marta, juma kunlari quyidagi jadval bo‘yicha Boeing-757 samolyotlarida amalga oshiriladi (mahalliy vaqt):

HY-643 Namangan (09:45) — Sankt-Peterburg (13:25);
HY-644 Sankt-Peterburg (14:55) — Namangan (22:00).

Eslatib o‘tamiz, avvalroq MAK Toshkentdan Dushanbega reyslar sonini ikki baravar oshirishi xabar berilgandi.