MAK Toshkentdan Dushanbega reyslar sonini ikki baravar oshiradi

«O‘zbekiston havo yo‘llari» aviakompaniyasi qishki jadvalga o‘tmoqda va Toshkentdan Dushanbega hamda teskari yo‘nalishda parvozlar 29 oktabrdan yangi reja asosida amalga oshiriladi: haftada ikki marta, dushanba va payshanba kunlari.

Har dushanba kuni O‘zbekistonning A320 avialayneri Toshkentdan 21:00da jo‘nab ketadi va Dushanbega 21:40da yetib keladi, o‘sha kuni Dushanbeda soat 23:15da uchib ketadi va Toshkentga soat 23:55da keladi. Bu haqda «AP»ga «O‘zbekiston havo yo‘llari»ning Tojikistondagi vakili Orif Ro‘zimurodov xabar berdi.

«Payshanba kunlari samolyot Toshkentdan soat 01:00da jo‘nab ketadi va Dushanbe shahriga 01:40da yetib boradi, Dushanbedan ertalab soat to‘rtda Toshkentga yo‘l oladi», - deya ta'kidlab o‘tdi u.

Uning so‘zlariga ko‘ra, parvoz jadvallarini o‘zgartirish AQSh, Yevropa, Janubi-Sharqiy Osiyo, MDH davlatlariga Toshkent orqali parvoz qiluvchi tojikistonlik tranzit yo‘lovchilarga qulaylik yaratish bilan bog‘liq.

O‘tgan yilning aprel oyida Toshkent-Dushanbe-Toshkent yo‘nalishi bo‘yicha muntazam qatnovlarini bajara boshlagan «O‘zbekiston havo yo‘llari» haftasiga bir marta, seshanba kunlari reysni amalga oshiradi.