Rossiya mudofaa vazirligi 13ta harbiy qismda “Samarqand” majmualarini joylashtiradi

Rossiya mudofaa vazirligi 13ta harbiy qismda, xususan Kaliningrad oblastida "Samarqand" radioelektron kurash majmualarini joylashtiradi.

Vazirlik ularni joriy ta'mirlash, montaj qilish va o‘rnatish bo‘yicha tender e'lon qildi.

E'londa bildirilishicha, barcha majmualar 2019 yil 10 noyabrga qadar foydalanishga topshirilishi lozim.

2017 yilda Shimoliy flot "Samarqand" majmualari bilan ta'minlangan. Ushbu majmualardan barcha suvusti kemalarida ham foydalaniladi.