Xitoyda mamlakatdagi eng chuqur suvosti metro tunneli qurildi

Xitoydagi eng chuqur suvosti metro tunneli qurilishi yakunlandi, deb xabar berdi Sinxua agentligi.

Uzunligi 8,1 kilometr bo‘lgan tunnelning bir qismi dengiz suvi ostidan o‘tadi, u Tsindao shahrining sharqiy va g‘arbiy qismlarini bir-biri bilan bog‘laydi, deb ma'lum qildi China Railway No.3 Engineering Group kompaniyasi.

Kompaniyaning qayd etishicha, u mamlakatdagi eng chuqur tunnel hisoblanadi, uning eng chuqur qismi dengiz sathidan 88 metr pastda joylashgan. Tunnel qurilishi 2015 yil sentabrda boshlangandi.

Oktyabr oyida Xitoyda uzunligi 55 kilometr bo‘lgan dunyodagi eng uzun dengiz ko‘prigi qurilgandi. U Honkong, Makao va guandun provinsiyasidagi Chjuxay shaharlarini bir-biri bilan bog‘laydi.