Rossiya kinosi va teatrining eng baqaloq aktyori Aleksandr Semchev "Starxit"portaliga o‘zining ozish sirini ochdi. Rossiyada xizmat ko‘rsatgan artist naqd 40 kilogramm vazn tashlagan.
Ozib qolgan aktyorning suratini ko‘rgan muxlislari uni og‘ir kasallikka chalingan deb gumon qilishdi. Ammo 49 yoshli aktyor ularni tinchlantirdi.
— Ozishimning sababi kasallik emas, to‘g‘ri ovqatlanish. Ayni paytga kelib 40 kilogramm vazndan xalos bo‘ldim. Qanday deysizmi? Buxanka non, qovurilgan ovqatlardan voz kechdim, sog‘lom ovqatlanishga o‘tdim, tez-tez, lekin oz-ozdan ovqatlanyapman,— dedi Semchev.
Artistning so‘zlariga ko‘ra, u taom miqdorini kamaytirgan, qaynatilgan tovuq go‘shti hamda sarxil meva-sabzavotlarni ko‘proq iste'mol qila boshlagan.
Aktyor Aleksandr Semchev "Likvidatsiya", "Maroseyka, 12" seriallari va "To‘y", "Saylov kuni" kabi filmlardagi rollari orqali tanilgan.
