Nokia bir zaryadda 21 kungacha ishlovchi telefonini namoyish etdi

HMD Global kompaniyasi T9 jismoniy klaviaturali va yuqori avtonomlikka ega yangi Nokia 106 tugmali telefonini namoyish qildi. Gizmo China shu haqida xabar berdi.

Manbaga ko‘ra, telefon 800 mAs sig‘imli akkumulyator bilan ta'minlangan. Bunday akkumulyator bilan u suhbat rejimida - 15,7 soat va kutish rejimida 21 kungacha ishlay oladi. Qurilma MicroUSB kabeli orqali zaryad oladi. 

Displey diagonali 1,8 dyuymni tashkil qiladi, qurilma MTK 6261D protsessorida ishlaydi, xotira hajmi 4+4 Gb, ikki sim-kartani qo‘llash mumkin. Telefon 2 minggacha kontakt va 500 xabarni saqlay oladi. 

Shuningdek unda Snake Xenzia va Nokia telefonlariga xos bo‘lgan boshqa o‘yinlar o‘rnatilgan. 

Devays to‘rt xil rangda chiqadi: oq, qora, kulrang va ko‘k. Nokia 106 telefonining Rossiyadagi tavsiya etilgan narxi — 1590 rubl.