Toshkent shahrining Shayxontohur tumanida shu yil 23 iyul kuni Toshkent viloyati O‘rta Chirchiq tumanida yashovchi B.D. Labzak ko‘chasida tanishi, Qoraqalpog‘iston Respublikasi To‘rtko‘l tumanida yashovchi, “Fruits-Turtkul” MChJ ish yurituvchisi I.B.ga tadbirkorlik bilan shug‘ullanishini aytgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu shaxs aldov yo‘li bilan undan 80 000 AQSh dollarini olib, yuqoridagi MChJ hisob raqamiga tushirib berishni va'da qilib, o‘z ehtiyojlari yo‘lida ishlatib yuborgan.
Holat yuzasidan jinoyat ishi qo‘zg‘atilib, ko‘rilgan choralar natijasida B.D. qo‘lga olingan.
Tergov harakatlari davom etmoqda.
