«Qulagan» neft. AQSh Yaqin Sharqdan qo‘shinlarini olib chiqishi mumkin

AQSh prezidenti Donald Trampning ma'lum qilishicha, neft narxlari pastligi tufayli Yaqin Sharq mamlakatlaridan Qo‘shma Shtatlar qo‘shinlarini olib chiqish ehtimolini ko‘rib chiqmoqda. Bu haqda u The Wasington Post gazetasiga bergan intervyusida aytib o‘tdi.

Uning ta'kidlashicha, AQShning Yaqin Sharqdagi mavjudligi sabablaridan biri Isroil hisoblanadi, biroq neft narxi pasayib borgani sayin, bu mintaqada qolish uchun rag‘batlar ham yo‘qolib bormoqda.

«Neft tobora kichik rol o‘ynamoqda, sababi bizning o‘zimiz uni har qachongidan ham ko‘proq ishlab chiqaryapmiz», - deya ma'lum qilgan Tramp.

Amerika qo‘shinlari 2003 yildan buyon Iroqda, 2014 yildan beri esa Suriyada harbiy amaliyotlar o‘tkazmoqda.

Eslatib o‘tamiz, avvalroq neft narxlari rekord darajada «qulagandi».